რამდენიმე რჩევა მათთვის, ვისაც საკუთარი მაღაზიის გასხნა უნდა

ბიზნესქეისები
02 March,2020

რამდენიმე რჩევა მათთვის, ვისაც საკუთარი მაღაზიის გასხნა უნდა

 

ბიზნესის დაწყებაზე თუ ფიქრობთ და უფრო მაღაზიის გახსნისკენ იხრებით, მაშინ ეს 9 რჩევა აუცილებლად გამოგადგებათ.

 

მაშ, ასე:


1) მაღაზიას ეფექტური სახელი დასჭირდება - იქიდან გამომდინარე რომ დღეს მილიონობით ბრენდი, სავაჭრო ობიექტი თუ ინტერნეტ მაღაზია არსებობს, თქვენი ბიზნესისთვის ისეთი სახელი გჭირდებათ მომხმარებელს თვალში მარტივად რომ მოხვდება და შემდეგ დაამახსოვრდება, თან ისეთი SEO პრინციპებთან რომ იმეგობრებს - ანუ მარტივად რომ ვთქვათ, კარგად „დაიგუგლება“.

უყვართ ხოლმე ბიზნესისთვის საკუთარი სახელის ან გვარის დარქმევა, რაც არც თუ ისე გამართლებულია მომგებიანობის კუთხით. თუმცა, თუ ძალიან გინდათ, რომ ბიზნესი თქვენთან ასოცირდებოდეს, ერთ ხრიკს გასწავლით: მაგალითად, გვარად ხართ კუსიანი.. ნუ დაარქმევთ მაღაზიას უბრალოდ „კუსის“ დაარქვით „კუსის ტკბილეული“. ისე რომ, სათაურმა თქვას რას ყიდით.

 

2) თქვენს პროდუქციას დამატებითი სერვისიც ხომ არ დასჭირდება? - აი მაგალითად თუ ტექნიკას ყიდით მომხმარებლებს დიდი ალბათობით დასჭირდებათ მიტანა და მონტაჟი. თუ საჩუქრებს ყიდით კარგი იქნებოდა შეფუთვა და ა.შ. მოკლედ, სანამ მაღაზიას გახსნით, მოიფიქრეთ, როდესაც ადამიანი თქვენთან პროდუქტს შეიძენს „იქვე“ რა დასჭირდება.

 

3) როგორ მიაწვდენთ ხმას თქვენს პოტენციურ მომხმარებლებს? - უფრო ბიზნეს ენაზე რომ ვთქვათ რა იქნება თქვენი კომუნიკაციის არხები? ყველა გზა, რომელსაც მომხმარებელი თქვენამდე მოჰყავს, კომუნიკაციის არხია - ინტერნეტ მაღაზია, Facebook გვერდი, კატალოგი, გარე ბანერი, ე.წ. cold calling თუ სხვა. არ აქვს მნიშვნელობა რას ყიდით, მთავარია ვინ არიან თქვენი პოტენციური მომხმარებლები და საიდან იღებენ ინფორმაციას, ანუ რომელი არხი იქნება ყველაზე ეფექტური მათთან საკომუნიკაციოდ.

 

4) რა იქნება თქვენი მისამართი? - მაღაზია გაამართლებს თუ არა დიდად იქნება დამოკიდებული ლოკაციაზე. ყოველი შემთხვევისთვის, როდესაც ერთ „ძალიან მაგარ ადგილს“ მიაგნებთ, სხვა „ძალიან მაგარი ადგილებიც“ განიხილეთ.


5) შეარჩიეთ პროგრამა მაღაზიისთვის - მაღაზიები ბევრად ეფექტურად მუშაობენ, თუ სავაჭრო პროგრამა სწორად არის შერჩეული. დღის ბოლოს აუცილებლად დაგჭირდებათ კარგი რეპორტები - როგორ წავიდა გაყიდვები, რამდენია დღიური მოგება, რა პროდუქცია დარჩენილი საწყობში და მაღაზიაში და ა.შ. ახლადგახსნილი პატარა მაღაზიისთვის სრულიად საკმარისია თანამედროვე საბუღალტრო პროგრამები, რომელიც ბუღალტერიასთან ერთად საოპერაციო საქმიანობის აღრიცხვის შესაძლებლობასაც იძლევიან.


6) ვინ იქნებიან თქვენი მომწოდებლები? მომხმარებლებს აუცილებლად გაუცრუვდებათ მოლოდინები, თუ პროდუქტის ფასი არ იქნება ხარისხის შესაფერისი. ამიტომ დიდი ყურადღება მიაქციეთ იმას, თუ ვინ იქნებიან თქვენი მომწოდებელები - პარტნიორები. ფასების გარდა თავიდანვე შეთანხმდით პროდუქტის დაბრუნების, დაზიანებული პროდუქტის ჩანაცვლების თემებზე. აუცილებელია რომ პარტნიორს ენდობოდეთ, თუმცა სანამ ენდობით შეამოწმეთ.


7) შეარჩიეთ სწორი პერსონალი - სწორში არ იგულისხმება 10 წლიანი გამოცდილება, 3 დიპლომი და ყველა უცხო ენა. ისეთი თანამშრომლები შეარჩიეთ, რომლებსაც ესმით ადამიანების, არ ეზარებათ მათთან კომუნიკაცია, ხშირად იღიმიან, არიან გულისხმიერები და საქმის ერთგულები. შემდეგ აუცილებლად დააწინაურეთ ასეთი ადამიანები.


8) პირველ შთაბეჭდილებას ორჯერ ვერ მოახდენთ - ანუ სანამ Gრანდ Oპენინგ!-ს მოაწყობთ ჯერ უხმაუროდ გახსენით მაღაზია, რამდენიმე დღე დააკვირდით როგორ „წავა“ საქმე. როცა მაღაზია რეალურად ამუშავდება და ნამდვილი მომხმარებლებიც გესტუმრებიან, მაში შეძლებთ ყველაფრის სწორად შეფასებას - როგორ მუშაობენ თანამშრომლები, მაღაზიის პროგრამა რამდენად სწრაფია, პროდუქტი კარგად არის განაწილებული თუ არა. ზოგადად რამე პრობლემა ან შეფერხება, ხომ არ არის რაც დაგეგმვის ეტაპზე გამოგრჩათ. მოაგვარეთ და ისე შედგით ფეხი ბიზნეს სამყაროში. პირველი შთაბეჭდილების მეორედ მოხდენის შანსი აღარ გექნებათ.


9) როგორია თქვენი Customer Experienc - ანუ რა გზას გადის მომხმარებელი თქვენი პროდუქტის შესახებ პირველად გაგებიდან მის ყიდვამდე?


ყველა ბიზნესი თუ მომხმარებელი უნიკალურია, ამიტომ სანამ რეალურად არ გახსნით მაღაზიას ვერც გამოცდილებაზე ისაუბრებთ, თუმცა არსებობს ზოგადი „დიდი მინუსები“ რაც შეგიძლიათ თავიდანვე აირიდოთ:


ლოდინი მოსაბეზრებელია - დიდხანს არ ალოდინოთ მომხმარებლები;
ერიდეთ გულგრილ თანამშრომლებს - ე.წ. “soft skills” ყველაზე მნიშვნელოვანია, მოტივირებული თანამშრომელი ბევრად მეტ სარგებელს მოუტანს მაღაზიასაც და საკუთარ თავსაც ვიდრე 3 გვერდიანი რეზიუმეს მფლობელი.
ზედმეტი ავტომატიზაცია არ ვარგა - სფეროში სადაც ყოველწამიერად ხდება მომხმარებლებთან ურთიერთობა ძალიან მნიშვნელოვანია ადამიანური ფაქტორი, ამიტომ ყველა მომხმარებელს ერთნაირად ნუ მიუდგებით - პერსონალიზაცია მნიშვნელოვანია, განსაკუთრებით პატარა მაღაზიების შემთხვევაში
არ დააგროვოთ გადაუჭრელი პრობლემები - ყველა მომხმარებლის პრეტენზიას გულთან ახლოს ნუ მიიტანთ, მაგრამ აუცილებლად გააანალიზეთ.


სულ ეს იყო 💙

 

ჩვენი „ბალანსი“ როგორც იცით საბუღალტრო და მენეჯერების პროგრამაა, აი მე-7 პუნქტში რომ არის საუბარი მაღაზიის ავტომატიზაციის შესახებ. ამ თემაზე კონსულტაცია თუ დაგჭირდათ ხაზზე ვართ 😉 - 591 766 766.