ასე შეიძლება ონლიან გაყიდვებისთვის "ხელის წაკვრა" 😉

ონლაინ გაყიდვების გაზრდა ერთ-ერთი ყველზე პრიორიტეტული საკითხია, არ აქვს მნიშვნელობა საკუთარ ხელნაკეთ ნივთებს ყიდი თუ „ამაზონი“ ხარ. ამიტომ, ამ ბლოგში თავი მოვუყარეთ რამდენიმე ხრიკს რომელიც ონლაინ გაყიდვების გაზრდაში დაგეხმარება:

1) არ გააზვიადო ტექსტები

მომხმარებლები აფასებენ ბრენდის გულწრფელობას, რაც საბოლოო ჯამში ზრდის ბრენდისადმი ნდობას და თავისთავად გაყიდვებს. სჯობს დაწერო სიმართლე პროდუქტისა თუ სერვისის შესახებ ყველგან -  მთავარი ვერდიდან დაწყებული, მეილინგ კამპანიებით დამთავრებული. ეს ეხება ბიზნესის პოზიციონირებასაც, თუ კომპანიაში 2 თანადამფუძნებელი ხართ და თავს ამაზონივით იქებთ, ეს არა მხოლოდ არასწორი არამედ სასაცილოც შეიძლება გახდეს. სჯობს ისე წარმოაჩინოთ თქვენი თავი როგორიც რეალურად ხართ. ბევრი მომხმარებელი პატარა კომპანიებს უფრო მეტ უპირატესობასაც კი ანიჭებს, იმიტომ რომ ისინი უფრო ინდივიდუალურად ემუშავებიან თითოეულ მომხმარებელს.

2) გუგლში რეკლამები რამდენიმე ლინკით გაუშვი

თუ google-ში ან Bing-ზე რეკლამას ისედაც აკეთებ, მაშინ პატარა ხრიკს გასწავლით - რეკლამა ყოველთვის გაუშვი რამდენიმე ლინკით 👇

მაგალითად, თუ მომხმარებელს სთავაზობ სხვადასხვა პროგრამულ გადაწყვეტებს, შეგიძლიათ ცალკე გამოყო მაღაზიის პროგრამა, ან საწყობის პროგრამა.

თანხა იგივე დაგიჯდება, თუმცა მომხმარებელს სასურველ პროდუქტამდე მისასვლელ გზას ბევრად შეუმოკლებლ.

3) ყველას გააცანი შენი ბედნიერი მომხმარებლები

თუ გყავს ერთგული და კმაყოფილ მომხმარებლები ყველას მოუყევი მათ შესახებ. მომხმარებლების უკუკავშირი არასდროს ყოფილა ისეთი მნივშნელოვანი, როგორც დღევანდელ სოციალურ გარემოში, ეს კი ნიშნავს რომ შენი მომხმარებლები კიდევ ერთ ძალიან ძლიერ მარკეტინგულ იარაღს გაძლევენ.

გახსოვდეს, რომ კმაყოფილი მომხმარებელი ყველაზე კარგი რეკლამაა.დაწერე მათ შესახებ სოციალურ ქსელებში, მეილინგის ტექსტებში, საიტის მთავარ გვერდზე და ყველგან სადაც შენს პროდუქციაზე საუბრობ.

4) შეგილია მომხმარებლები ცოტ-ცოტა დააჩქარო

ბევრ ონლაინ კომერციის საიტზე შეხვედები მორბენალ სტრიქონს, რომელიც სასწრაფოდ იუწყება რომ ფასდაკლებამდე დარჩენილია 2 საათი და იჩქარეო! ან ლიმიტირებული კოლექცია იწურებაო. თუ ფასდაკლებას მართლაც 2 საათში ასრულებ და კოლექციიდანაც მხოლოდ რამდენიმე ნივთი დარჩა რატომაც არაა, გააგებინე ყველას.

5) შესთავაზე მომხმარებლებს თანხის უკან დაბრუნება, თუ...

ხშირად, ერთ-ერთი ყველაზე მძლავრი ფაქტორი, რომელიც მომხმარებელს ყიდვისგან აფერხებს, არის რისკი -  პოტენციური ზარალის თავიდან აცილების სურვილი, იგივე ფინანსური რისკი. თუ პირველი რჩევა გაითვალისწინე, ანუ პროდუქციაზე ყველაფერი გულწრფელად გიწერია, მაშინ შეგიძლია მომხმარებელს ფულის დაბრუნება თამამად შესთავაზო, ამით ყიდვის კიდევ ერთ ბარიერს მოუხსნი.

6) გაზარდე აუდიტორია facebook-ზე

ეს ყველაზე მარტივად შეგიძლია გააკეთო ფეისბუქის Lookalike Audience-ის გამოყენებით. თუ უკვე გაქვს არსებული მომხმარებლების ბაზა, მაშინ facebook თავად მოგიძებნის მათნაირი მახასიათებლების ადამიანებს და აჩვენებს შენს რეკლამას.

7) შეამცირე ნაბიჯები

ნაბიჯებში ვგულისხმობთ ყველა იმ მოქმედებას, რომელიც მომხმარებელმა უნდა განახორციელოს ნივთის შერჩევიდან მის საბოლოოდ შესყიდვამდე.  Business Insider-ის ინფორმაციით გასულ წელს დაახლოებით 4 მილიარდი დოლარის პროდუქციის ონლაინ ყიდვის პროცესი მიატოვეს მომხმარებლებმა შუა გზაში. ეს ნიშნავს რომ ონლაინ მაღაზიაში მომხმარებელს მაქსიმალურად უნდა გაუმარტივო ყიდვის პროცესი, გააუქმო ყველა ნაკლებად მნიშვნელოვანი ველი.

8) რითიც უნდათ, იმით უნდა გადაიხადონ

მომხმარებელს უნდა შესთავაზო იმდენი გადახდის მეთოდი, რამდენსაც იცნობს ფინანსური სამყარო. Mastercard/Visa, American Express, Google Wallet, ApplePay, Stripe, WePay და ადგილზე მიტანის დროს ქეშით გადახდაც კი.

9) მარკეტინგში ფოტოები მნიშვნელოვანია

წარმოიდგინე მთელს ეკრანზე გაშლილი ჩიზქეიქის ფოტო, ერთი ან ორი ნაჭრით, ლამაზ ჭურჭელზე გემრიელი სახლში მომზადებული ჩაციებული ლიმონათის გვერდით. და ამის საპირისპიროდ იგივე ჩიზქეიქი, გვერდხედით, სმარტფონით გადაღებული... რომელი უფრო გემრიელია?

რა თქმა უნდა - პირველი. სურათების ხარისხს ონლაინ გაყიდვებში დიდი მნიშვნელობა აქვს. ეს არ ნიშნავს რომ ფოტოებს ისეთი ეფექტები უნდა დავადოთ რომ ფერები რადიკალურად შეიცვალოს, თუმცა ოდნავ-ხელის შევლება არ აწყენს და არც მომხმარებელი დარჩება მოტყუებული.

გარდა ამისა თუ ყიდი ტანსაცმელს, აქსესუარებს და ისეთ ნივთებს რომლების დეტალებიც მნიშვნელოვანია, მაშინ მომხმარებელს ბევრი ფოტო სჭირდება, სხვადასხვა რაკურსით, დეტალებზე ორიენტირებულიც და ერთიანი ხედვითაც.

10) რეკლამები და პროდუქცია ერთანეთის კონსისტენტური უნდა იყოს

ვქვათ გაუშვი რეკლამა სათაურით „პროგრამა საწყობისთვის“, მომხმარებელმა დააკლიკა და გამოიყვანე მთავარ გვერდზე სადაც უამრავი კონტენია იმის შესახებ თუ რა მაგარი კომპანია ხარ და როგორ მოსწონს შენი პროგრამა ღვინის მწარმოებლებს.

ან გაუშვი რეკლამა მამაკაცის სათვალეებზე 20%-იანი ფასდაკლების შესახებ, ამ რეკლამით დაინტერსებულ მომხმარებელს კი საიტზე საზაფხულო აქსესუარების ფართო არჩევანი დახვდათ. ასე ძალიან ბევრ click-ში ფულს ტყუილად გადაიხდი.

კონკრეტული რეკლამით მოსულ მომხმარებელ საიტზე ზუსტად ის უნდ დაახვედრო, რითიც დაინტერესდა - ანუ, უნდა აჩვენო მამაკაცების სათვალეების ის კოლექცია, რომელზეც ეს ფასდაკლება ვრცელდება.

11) შეიმუშავე შეთავაზებების სისტემა

თუმცა მე-10 პუნქტი არ ნიშნავს იმას, რომ სათვალეების გარდა არაფრის შეთავაზება არ შეგიძლია. რეკლამაზე მიბმულ გვერდზე ძირითადად მამაკაცის ფასდაკლებული სათვალეები უნდა იყოს, თუმცა ძებნის ბოლოში, ან გვერძე შეგიძლია მსგავსი (მაგალითად, არაფასდაკლებული სათვალეები) ან სხვა დაკავშირებული ნივთებიც შესთავაზო - ვთქვათ, სათვალის საწმენდი, ჩასადები, თუ შორს წავალთ საზღვაო ქუდი, „შლოპანცები“ და შეიძლება სერფინგის დაფაც 😁

12) ეცადე ტექსტებში ამომწურავი ინფორმაცია დაწერო

ონლაინ სავაჭრო კომპანიების წარმომადგენლებს ხშირად ჰგონიათ, რომ მათმა პოტენციურმა მომხმარებელთა მათსავით კარგად იცის პროდუქტი და ბაზარი. მაგალითად ბალანსზე თუ მხოლოდ იმას დავწერთ, რომ არის მინი ERP სისტემა ქლაუდზე, ღია API-ით. ჩვენი პოტენციური მომხმარებლების ნაწილმა შეიძლება ვერც გაიგოს რას ვეუბნებით და ამით ისინი დავკარგოთ. ეს შეცდომაა.

მაქსიმალურად ეცადე, ტექსტში პასუხი გასცე შენს მიერ შეთავაზებულ პროდუქტთან ან მომსახურებასთან დაკავშირებულ ყველა კითხვას.

თავი მომხმარებლის ადგილზე წარმოიდგინე, ჩამოწერე ყველა შესაძლო - თუნდაც ძალიან მარტივი და „ეს ისედაც ყველამ იცის“ კითხვა, და შენი ვებგვერდისა თუ სოც. მედია კამპანიების ტექსტში სწორედ ამ კითხვებს გაეცი პასუხი.

BTW…

მინი ERP სისტემა ნიშნავს რომ ბალანსი არის საბუღალტრო პროგრამა და ამასთანავე მომხმარებელს საშუალებას აძლევს აღრიცხოს ყოველდღიური პროცესები - მაგალითად გაყიდვები. ქლაუდი ნიშნავს, რომ ბაზა ინახება დაცულ სერვისზე და არა კომპიუტერში. ხოლო ღია API - ნიშნავს რომ ბალანსის დაკავშირება შესაძლებელია ძალიან ბევრ პროგრამასთან და პლატფორმასთან - მაგალითად ონლაინ მაღაზიასთან.

13) „მადლობა“, „ბოდიში“ და „უფასო“ ჯადოსნურ სიტყვებია

მომხმარებელს უყვარს ყველაფერი უფასო - მიტანის სერვისი, მონტაჟი, დამატებითი სერვისი, შეფუთვა, კონსულტაცია და ა.შ. რაც უფრო მეტი უფასო შეთავაზება გექნება მომხმარებლებისთვის მით უფრო მეტი ადამიანის სიმპათიას დაიმსახურებ, რაც საბოლოო ჯამში გაყიდვების ზრდით გამოიხატება.

14) არც იქით, არც აქეთ

ხშირად გამიგია და-ძმებში ყველაზე დაჩაგრული შუათანა არისო. უფროსს უფრო მეტი უფლებები აქვს, პატარას ყველაზე მეტს პატიობენ და აი ამ შუათანა და-ძმებს დიდი ვერაფერი სარგებელი. ბიზნესში პირიქით ყოფილა...

აღმოჩნდა, რომ მომხმარებლები ყველაზე ხშირად საშუალო ფასის ნივთებს არჩევენ. ამას ფსიქოლოგიაში ასიმეტრიული დომინირების ეფექტს უწოდებენ  (asymmetric dominance effect). მომხმარებლები, როგორც წესი, ყველზე იაფიან პროდუქტს არ ენდობიან, არც ყველაზე ძვირში იხდიან თანხებს და შესაბამისად არჩევენ საშუალო თანხის პროდუქციას. ამ ხერხს ხშირად იყენებენ კომპანიები და სპეციალურად სთავაზობენ ფასების მსგავს განაწილებას, რითიც მოხმარებელს უბიძგებენ სწორედ ის პროდუქტი იყიდონ რაც თავად უნდათ - ანუ რომელსაც შუაში ჩასვამენ.

15) ხშირად გამოიყენე ე.წ. Opt-In შეთავაზებები

ანუ, მომხმარებლებს მიეცი ფასდაკლება ან სპეც. შეთავაზება იმ შემთხევაში თუ გააკეთებენ sigh up-ს. ამისთვის საიტზე შეგიძლია გამოიყენო Pop-up-ები. შეიძლება ყველამ არც იყიდოს პროდუქტი, თუმცა მომხმარებლების ბაზის შესაქმნელად მშვენიერი საშუალებაა.

 16) სმარტფონები არ დაგავიწყდეს 

საიტს დესკტოპ ვერსიასთან ერთად აუცილებლად სჭირდება mobile responsive. მომხმარებლები ხშირად სმარტფონით ეძებენ სასურველ პროდუქციას და თუ შენს საიტზე მოხვდნენ 1 ზომის შრიფტით დაწერილი ტექსტი და გაწელილი ფოტოები არ უნდა დახვდეთ. 

17)  არც რემარკეტინგი დაივიწყო

ონლაინ გაყიდვების კომპანიები ძალიან დიდ ფულს ხარჯავენ ონლაინ მარკეტინგში, რაც თავისთავად ქმნის პოტენციური მომხმარებლების ბაზას. თუმცა თუ არ აკეთებ რემარკეტინგს ნიშნავს, რომ ამ ფულის ნაწილი გადაყრილია. აი რატომ, შენ იზიდავ მოხმარებელს, ერთხელ აჩვენებ პროდუქტს და მერე იმის ნამუსზე იყოს იყიდის თუ არა?

გამოდის რომ რეკლამაში თანხას იხდი და იმედი გაქვს რომ მომხმარებელი იმ წამსვე იყიდის შენს პროდუქტს. სინამდვილეში ეს ასე არ ხდება. რემარკეტინგით შეგიძლია უკვე ერთხელ დაინტერესებულ მომხმარებლებს შესთავაზო ფასდაკლებები და ა.შ ან უბრალოდ კიდევ ერთხელ შეახსენო შენი თავი და პროდუქცია.